Mascarenhas, Sabadu, 31/01/2026 – Suku Mascarenhas kontinua hatudu komitmentu atu mantém kultura limpeza jeral iha komunidade Iha loron fim de semana, komunidade sira husi Aldeia 01 to’o Aldeia 06 hamutuk halo servisu limpeza, hamos dalan Tama ba kada aldeia, hamos foer Sira nebe monu tun ba reanazen no limpeza lixu iha Uma ninin. Atividade ne’e envolve xefe Suku, xefe aldeia, delegado/a, juventude, inan-aman no labarik sira ho espiritu voluntáriu no solidariedade.
Xefe suku (Sr. Francisco Lopes) hato’o katak Ami nafatin esforsu hodi forma karakter komunidade nian hodi tau konsiensa katak limpeza la’ós deit ba hadia ambiente, maibé mos atu prevene moras hanesan Liu Liu ba prevensaun moras Dange iha Tempu udan no hametin saúde komunidade. Ho slogan “Hametin Limpeza, Hametin Saúde Komunidade”, populasaun sira motiva malu atu tau liman ba servisu sosial ne’e.
Inisiativa ne’e halo komunidade Sira husi Aldeia 01 to Aldeia 06 Senti kontenti no prontu kolabora iha kualker aktividade tuir mai. kooperasaun no kultura limpeza bele kria ambiente saudavel, furak no confortável ba ema hotu iha Suku Mascarenhas.
Official Media Suku Mascarenhas
