Suku Mascarenhas hasoru ona treinamentu primeiro iha lansamento website suku mascarenhas iha data dia 15 de Novembro de 2025 ne’ebe maka heta apoiu husi Ministererio Administrasaun Estatal, Ministerio Transporte Komunikasaun, Secretario Estado Cominicação Social no agora dadaun ekipa media suku mascarenhas hetan tan Segundo terinamento importante ida kona-ba dezenvolvimentu no jestaun website suku, ho objetivu atu hasa’e kapasidade ekipa Media Suku iha utilizasaun teknologia informasaun no komunikasaun iha nivel lokal. Treinamentu ne’e realiza iha Sede Suku Mascarenhas Rua Manucocorec iha loron sabadu dia 20 de Dezembro de 2025 treinamento ne’e halao durante loron ida iha sala reuniaun suku, ho partisipasaun husi Chefe Suku Interino (Sr. Hermenegildo Soares Gonçalves) hamutuk ho ekipa media Suku Mascarenhas no terinamento refere hetan treinamentu husi Irmaun Adelino dos Santos (Joventude Suku Mascarenhas)
Iha abertura treinamentu, xefe suku Interino hateten katak iha era digital agora, informasaun presiza fahe sai ho lalais, klaru, no transparente. Website suku konsidera hanesan meiu importante ida atu publika informasaun kona-ba servisu suku, programa dezenvolvimentu, atividade komunidade, no dadus administrativu ne’ebé relevante ba sidadaun sira. Ho website, komunidade bele hetan informasaun la presiza mai direta ba eskritóriu suku de’it.
Materiál treinamentu inklui introdusaun kona-ba konseitu website, funsaun website ba governasaun lokal, no benefísiu website iha transparénsia no partisipasaun públiku. Partisipante sira aprende kona-ba estrutura website, hanesan pájina prinsipál, pájina notísia, pájina perfil suku, no pájina informasaun servisu. Instrutor mos fó formasaun prátika kona-ba modifika kontéudu, publika notísia, hatama imajen, no jere komentáriu komunidade.
Durante sesaun prátika, partisipante sira aprende uza plataforma website ne’ebé simples no fasil atu jere, tanba konsidera kondisaun lokal no nivel abilidade teknika ekipa media suku. Joven sira husi suku Mascarenhas mos envolve ativamente iha treinamentu, ho esperansa katak sira bele torna administradór website iha futuru no ajuda kontinuidade sistema digital suku.
Treinamentu ne’e espera bele fó impaktu pozitivu ba governasaun suku Mascarenhas, liuliu iha área komunikasaun no servisu públiku. Ho website suku ne’ebé funsiona di’ak, informasaun bele hato ba komunidade lalais, aumenta transparénsia, no fortalece relasaun entre governasaun suku ho povu. Iha remata, organizadór treinamentu hateten katak kapasidade ne’ebé hetan iha treinamentu ne’e presiza kontinua dezenvolve, no suku Mascarenhas kompromete atu uza teknologia digital hanesan instrumentu ida ba dezenvolvimentu lokal no servisu di’ak ba komunidade.
Editor : Media Suku Mascarenhas
