Dili, 10/11/2025, Sekretaria Estadu Komunikasaun Sosial (SEKOMS) liu husi nia Diresaun Nasionál Diseminasaun Informasaun (DNDI) hamutuk no Diresaun Nasionál Administrasaun Finansas (DNAF), liu husi Departamentu IT – SEKOMS, kontinua fasilita formasaun Jornalismu báziku no Jestaun Plataforma Website Sentru Informasaun Suku ba funsionariu no Estrutura iha Suku Mascarenhas, Postu Administrativu Vera Crus Munsipiu Dili.
Formasaun ne’e ho objetivu atu fahe khuenesimentu materia baziku sira kona-ba jornalismu baziku no oinsa jere plataforma website sentru informasaun suku nian, plataforma ne’e kria hodi asesu ba informasaun sira relasiona ho atividades suku.
Xefe suku Mascarenhas Francisco Lopes, hato’o nia agradesimentu ba ekipa SEKOMS tanba bele hakat ona ba iha suku Mascarenhas hodi fahe espereinsia lubuk ida oinsa halo operasaun kona-ba sistema plataforma website sentru informasaun suku nian no oinsa hakerek notisia tuir padraun jornalismu, xefe suku mos promete sei hamutuk ho nia estrutura sei implementa no dezenvolve espereinsia nebe ekipa SEKOMS fornese.
Sentru Informasaun Suku, nu’udar servisu informasaun suku nian, iha ne’ebé atu promove suku dijitál hanesan medida ida atu hamenus lakuna iha área informasaun ne’ebé akontese iha suku urbana no rurál sira. Konseitu suku dijitál maka utilizasaun sistema integradu liuhosi plataforma teknolojia informasaun no komunikasaun iha servisu públiku no atividade ekonómiku, sosiál no kulturál.
Tuir planu lansamentu ba website Sentru Informasaun Suku Mascarenhas sei lansa iha loron Sabado, 15 /11/2025 ne’ebé posibilidade sei lansa direta husi Sekretáriu Estadu Komunikasaun Sosial Expedito loro Dias Ximenes.
#MEDIA SEKOMS
Fonte Notísia : https://www.facebook.com/share/p/1FEbK6ddx8/
